Узбуджана крымінальная справа па факце выкраданьня актывістаў Маладога Фронту Насты Палажанкі і Дзяніса Карнова напярэдадні акцыі 25 сакавіка. Нагадаем, маладафронтаўцы Наста Палажанка і Дзяніс Карноў падавалі скаргу ў міліцыю з нагоды выкраданьня маладзёнаў напярэдадні Дня Волі.

Тады невядомыя людзі вывезьлі юнакоў за Менск і высадзілі на трасе, Дзяніса Карнова зьбілі і абрабавалі.

29 красавіка маладафронтаўцы атрымалі адмоўны адказ на заяву. Начальнік 3-га кіраваньня ўласнай бясьпекі Міністэрства ўнутраных спраў Цысцэрні В.Н. паведаміў, што " ў межах службовай праверкі пацьвердзіць ці абвергнуць Вашыя довады аб незаконным затрыманьні супрацоўнікамі міліцыі, а таксама зьбіцьці супрацоўнікамі міліцыі Дзяніса Карнова і крадзежы ў яго 120 тысяч рублёў не прадставілася магчымым ў сувязі зь немагчымасьцю ўсталяваць асобы міліцыянтаў".

Пасьля гэтага грамадзкія актывісты накіравалі Генеральнаму пракурору, а таксама ў шэраг дзяржаўных устаноў і замежных прадстаўніцтваў заяву з патрабаваньнем расьследваць злачынствы ў дачыненьні да маладафронтаўцаў, а таксама моладзевых актывістаў Мікіты Краснова і Артура Фінькевіча, якія патрапілі пад рэпрэсіі спэцслужбаў. Нагадаем, пад лістом падпісалася некалькі дзясяткаў шырока вядомых палітычных і культурніцкіх дзеячоў.

На гэты раз міліцыянты адказалі станоўча.

У адказе за подпісам кіраўніка адзьдзела па нагдядзе за дазнаньнем пракуратуры Менска Бычкова А.В паведамляецца, што "па заявах Палажанкі А. і Карнова Д. аб зьдзяйсьненьні ў дачыненьні да іх супрацьпраўных дзеяньняў 25.05.2009 АД ПР Фрунзенскага РАЎСа была ўзбуджана крымінальная справа па прыкметах злачынства, прадугледжанага ч.2 арт. 339 КК. У цяпершані час па справе праводзяцца неабходныя сьледчыя дзеяньні, накіраваныя на вызначэньне асобаў, што зьдзейсьнілі злачынства".

Што тычыцца заяваў Мікіты Краснова і Артура Фінькевіча, па справах якіх таксама былі прыпынены сьледчыя дзеяньні на падставе няўсталяваньня асобаў, яшто зьдзейсьнілі злачынства, у адказе паведамляецца, што пастановы аб прыпыненьні сьледчых дзеяньняў былі адмененыя і крымінальныя справы былі накіраваны ў адпаведныя РАЎСы для дадатковага папярэдняга сьледзтва.
 

Молодий фронт

Думки читачів

Немає коментарів. Ваш коментар буде першим.

Ім’я*

Текст*

Введіть код, що на зображенні*